2025 წელს, ფულის გათეთრებისა და ტერორიზმის დაფინანსების აღკვეთის ხელშეწყობის შესახებ საქართველოს კანონმდებლობის დარღვევისათვის ეროვნულმა ბანკმა ფინანსური სექტორის წარმომადგენლები 9.5 მილიონი ლარით დააჯარიმა. ამის შესახებ საუბარია სებ-ის წლიურ ანგარიშში, რომელიც მარეგულირებელმა პარლამენტს წარუდგინა.
დოკუმენტის თანახმად, ყველაზე დიდი მოცულობით ჯარიმა ვალუტის გადამცვლელ ჯიხურებზე გაიცა და სანქციის ოდენობამ 7.8 მილიონს გადააჭარბა. ჯარიმების ზომის მიხედვით პირველ სამეულში ასევე ხვდებიან -სესხის გამცემი სუბიექტები და ვირტუალური აქტივების მომსახურების პროვაიდერები.
მარეგულირებლის ინფორმაციით, ფულის გათეთრებისა და ტერორიზმის დაფინანსების აღკვეთის ხელშეწყობის შესახებ საქართველოს კანონმდებლობის დარღვევის გამოსავლენად გასულ წელს ჯამურად ფინანსური სექტორის 50 წარმომადგენელი შემოწმდა.
