საქართველოს სუვერენული ევროობლიგაციის (GEORG) პოზიცია გაუმჯობესდა. გასულ კვირას 7.2%-იანი შემოსავლიანობით ივაჭრებოდა.
G&T-ის სტატისტიკით, კვირის ვაჭრობა 89.92-ით დაიხურა (წინა საანგარიშო კვირის ტრენდი: 7,42%; 89.7).
ქვეყნის ფასიანი ქაღალდების ტრენდზე ბოლოდროინდელი მოვლენები ნაკლებად აისახა. G&T-ის საინვესტიციო ბანკირების თქმით, GEORG -ის სტაბილურობას ჯანსაღი მაკროეკონომიკური პარამეტრები განაპირობებს, მ.შ. ვალის (საშინაო და საგარეო) კოეფიციენტის შემცირება (<40%), ფისკალური დეფიციტის დაბალი მაჩვენებელი (3%). რაც ქვეყნის რისკიანობას ამცირებს და ისახება ინვესტორთა განწყობებზე.
ქვეყნის სუვერენული 5-წლიანი ახალი ბონდები, 2.75%-ად, 2021 წლის აპრილში განთავდა.
ამასთან მნიშვნელოვნად, შემცირებულია GEORG-ს სპრედი. მის შესადარ აშშ-ს სახაზინო ობლიგაციებთან მიმართებაში.
აშშ-ს 10-წლიანი ობლიგაციების განაკვეთიც დაწეულია. გრძელვადიანი ფასიანი ქაღალდების შემოსავლიანობა 4.61%-დან 4.45%-მდე შემცირდა, ხოლო 10-წლიანი გერმანული სახაზინოს (ევროპული ბენჩმარკი) განაკვეთი 2.72%-დან 2.59%-მდე.
კლება გამოიწვია აშშ-ში მოლოდინზე უფრო დაბალი ინფლაციის გამოქვეყნებამ. მთლიანი ინფლაცია 3.7%-დან 3.2%-მდე, ხოლო საბაზო ინფლაცია 4.1%-დან 4%-მდე შემცირდა.
ბაზრის მოლოდინის თანახმად, დეკემბერში ფედის მიერ განაკვეთების უცვლელად დატოვების ალბათობა 100%-
ია.
