McDonald’s აცხადებს, რომ მომხმარებლები ინფლაციისა და საწვავის გაძვირების ფონზე სწრაფ კვებაზე ნაკლებ თანხას ხარჯავენ. ამის შესახებ ინფორმაციას Reuters-ი აქვეყნებს.
კომპანიის ცნობით, განსაკუთრებით შემცირდა დაბალი შემოსავლის მქონე მომხმარებლების აქტივობა, რაც გაყიდვებზეც აისახა.
კომპანიის პირველ კვარტალში ამერიკაში გაყიდვები 3.9%-ით გაიზარდა, თუმცა ეს მაჩვენებელი ანალიტიკოსების პროგნოზზე დაბალი აღმოჩნდა. McDonald’s-ში ამბობენ, რომ მომხმარებლები სულ უფრო ხშირად სრულ მენიუს ნაცვლად მხოლოდ ერთ პროდუქტს ყიდულობენ.
კომპანია ცდილობს მომხმარებლების დაბრუნებას იაფი შეთავაზებებით — მათ შორის 3 და 4 დოლარიანი მენიუებითა და ფასდაკლებებით. McDonald’s-ის ხელმძღვანელობის თქმით, ეკონომიკური ფონი “უარესდება” და ეს პირდაპირ აისახება მომხმარებელთა ქცევაზე.
თამარ გაზდელიანი
ფოტო: Reuters
