Coca-Cola Bottlers Georgia-ს ყოველწლიური ტრადიცია, საახალწლო ქარავნის სახით, წელს არ ჩატარდება - ამის შესახებ ინფორმაციას თავად კომპანია ავრცელებს. განცხადებაში აღნიშნულია, რომ ქარავანი ქვეყანაში მიმდინარე მოვლენების გამო გაუქმდა.

"ბიზნესპარტნიორი" Coca-Cola Bottlers Georgia-ს განცხადებას სრულად გთავაზობთ:

"კოკა-კოლა მსოფლიო მნიშვნელობის ბრენდია, დასავლური ღირებულებებისა და იდეალების დღიდან დაარსებისა, ერთგული. გააუმჯობესოს საზოგადოების ისწრაფვის, ცხოვრება, ახალგაზრდებს მისცეს მოტივაცია და რწმენა, რომ სწორედ ისინი ქმნიან ქვეყნის მომავალს.

დღეს ამ მომავლის ერთადერთ გზად, ჩვენი ქვეყნის ევროპულ ოჯახში ყოფნას მივიჩნევთ. „კოკა-კოლა ბოთლერს ჯორჯია" სოლიდარობას უცხადებს ყველა იმ ადამიანს, ვინც დაუღალავად და უშიშრად დგას ჩვენი ქვეყნის ევროპული მომავლის სადარაჯოზე.

„მსოფლიოს სჭირდება მეტი სანტა" ამ გზავნილით, კოკა-კოლა ადამიანებს არწმუნებს, რომ ახალი წლის ჯადოსნური დღესასწაულის მთავარი სიმბოლო და გმირები თავად არიან.

ქვეყანაში გამო, მიმდინარე მოვლენების მივიღეთ გადაწყვეტილება, რომ ყველასთვის საყვარელი და ახალი წლის განუყოფელი ნაწილი, საახალწლო ქარავანი, წელს გავაუქმოთ. ვთვლით, რომ ზუსტად ახლა არის დრო, ვეძებოთ "სანტა" საკუთარ თავში. გავაძლიეროთ და მარტო არ დავტოვოთ ერთმანეთი", - ნათქვამია Coca-Cola Bottlers Georgia-ს მიერ გავრცელებულ განცხადებაში.

შეგახსენებთ, საქართველოში "კოკა-კოლას" პირველი სატვირთო მანქანა 1997 წელს გამოჩნდა. თავიდან მხოლოდ თბილისში, შემდეგ კი, არა მხოლოდ საქართველოს, არამედ კავკასიის რეგიონშიც გავრცელდა.

სეზონური სარეკლამო კამპანიის „საშობაო ქარავანი“ ავტორი სააგენტო W.B. Doner გახლდათ. საშობაო სატვირთო მანქანები კი განათებებით მსოფლიოში ცნობილმა – Industrial Light and Magic-მა გააფორმა, კომპანიამ, რომელიც „ვარსკვლავური ომების“ უკან დგას.