Google Trends-ის მონაცემები
საუკეთესო საშუალებაა საზოგადოების ციფრული ინტერესებისა და ონლაინ ქცევების გამოსავლენად. 2024 წლის მონაცემებზე დაკვირვება გვაძლევს მნიშვნელოვან ინფორმაციას იმის შესახებ, თუ რა საკითხები, მოვლენები და თემები იყო განსაკუთრებით აქტუალური ქართველი ინტერნეტ მომხმარებლებისთვის.
SEO სააგენტო "ალპაკა" გთავაზობთ 2024 წლის პოპულარული საძიებო სიტყვების დეტალურ მიმოხილვას კატეგორიების მიხედვით. ჩვენი ანალიზი დაგეხმარებათ უკეთ გაიგოთ, თუ რა აინტერესებდა და რას ეძებდა ქართველი მომხმარებელი ინტერნეტში 2024 წელს.
სარჩევი
მნიშვნელოვანი შენიშვნა: Google-ის ალგორითმს ხშირად უჭირს ქართული საძიებო სიტყვების კონტექსტის სრულად გააზრება და მათი სწორად კატეგორიზაცია. შესაბამისად, ზოგიერთ კატეგორიაში უმეტეს შემთხვევაში შეგხვდებათ ისეთი საძიებო სიტყვები, რომლებიც შინაარსობრივად არარელევანტურია და სხვა კატეგორიას მიეკუთვნება.
მიუხედავად ამისა, ჩვენ შევეცადეთ მაქსიმალურად ზუსტად წარმოგვედგინა წლის ყველაზე პოპულარული საძიებო სიტყვები.
2024 წლის ტოპ საძიებო სიტყვების ანალიზი (ყველა კატეგორია)
2024 წლის მონაცემების მიხედვით, ქართველი ინტერნეტ მომხმარებლების ძიების პრიორიტეტებში წამყვან პოზიციებს Google-ის სერვისები, განსაკუთრებით Translate და საძიებო სისტემა Google ინარჩუნებს.
გასული 12 თვის მონაცემების ანალიზი აჩვენებს საინტერესო სურათს ინტერნეტ მომხმარებლების ძიების პრიორიტეტების შესახებ. კერძოდ, ეს აისახება სათამაშო პლატფორმების დომინანტურ პოზიციებზე – ექვსი წამყვანი სათამაშო პორტალის (Adjarabet, Crystalbet, Betlive, Crocobet, Liderbet, Europebet) ჯამური ძიების მაჩვენებელი არ ჩამოუვარდება სხვა პოპულარული სერვისების, მათ შორის Google Translate-სა და ამინდის პროგნოზის ჯამურ მაჩვენებლებს.
საერთო სურათი ასეთია, 2024 წლის ტოპ 25 საძიებო სიტყვიდან, 6 სწორედ აზარტული თამაშების ინდუსტრიაზე მოდის.
იხილეთ 2024 წლის ტოპ საძიებო სიტყვების სრული სია (18 დეკემბრის მონაცემები):
| ტოპ საძიებო სიტყვა | ფარდობითი პოპულარობა |
| translate | 100 |
| ამინდი | 73 |
| 66 | |
| adjarabet | 61 |
| google translate | 45 |
| youtube | 44 |
| погода | 42 |
| crystalbet | 39 |
| 38 | |
| betlive | 29 |
| crocobet | 27 |
| amindi | 24 |
| flashscore | 23 |
| liderbet | 21 |
| переводчик | 16 |
| adjaranet | 16 |
| you | 14 |
| myauto | 14 |
| weather | 14 |
| ამინდი ხვალ | 13 |
| gmail | 13 |
| europebet | 11 |
| 10 | |
| amindi ge | 9 |
| kristal | 9 |
ეს სტატისტიკა საგანგაშო ტენდენციაზე მიუთითებს. სათამაშო პლატფორმების ასეთი მაღალი პოპულარობა შესაძლოა ასახავდეს საზოგადოების მნიშვნელოვანი ნაწილის ფინანსურ მოწყვლადობას და სწრაფი გამდიდრების იმედით აზარტულ თამაშებზე დამოკიდებულებას. განსაკუთრებით შემაშფოთებელია ის ფაქტი, რომ საგანმანათლებლო რესურსებისა და პროდუქტიული სერვისების ძიება მნიშვნელოვნად ჩამორჩება სათამაშო პლატფორმების პოპულარობას.
ეს მონაცემები ასევე წარმოაჩენს აზარტული თამაშების რეგულირების და საზოგადოების ფინანსური განათლების გაუმჯობესების აუცილებლობას. როდესაც მოსახლეობის დიდი ნაწილი რეგულარულად ეძებს აზარტულ სათამაშო პლატფორმებს, ეს შესაძლოა მიანიშნებდეს არა მხოლოდ გართობის სურვილზე, არამედ პოტენციურად შესაძლოა დაკავშირებული იყოს სერიოზულ სოციალურ-ეკონომიკურ პრობლემებთან.
2024 წლის ყველაზე მზარდი საძიებო სიტყვები
წლის მზარდ ტენდენციებში იკვეთება ონლაინ შოპინგის პლატფორმა Temu-ს ძიების საგრძნობი ზრდა, EURO 2024-ის მიმართ ინტერესის მატება და ChatGPT-ს პოპულარობის ზრდა. აღსანიშნავია ასევე ადგილობრივი სტრიმინგ პლატფორმებისა და მედია სერვისების განვითარების დინამიკაც.
იხილეთ 2024 წლის ყველაზე მზარდი (Rising) საძიებო სიტყვების სრული სია (18 დეკემბრის მონაცემები):
| ტოპ საძიებო სიტყვა | ფარდობითი პოპულარობა |
| youtueb music channel | Breakout |
| temu | +3,450% |
| pizza hut near me | +2,100% |
| euro 2024 | +1,750% |
| gemovie | +450% |
| ცესკო | +190% |
| nulls brawl | +140% |
| my kadri | +110% |
| ufc | +90% |
| iutubi | +90% |
| chatgpt | +80% |
| პირველი არხი live | +80% |
| liveball | +70% |
| ge.movies | +70% |
| instagram story viewer | +70% |
| movie ge | +70% |
| croco | +70% |
| yt | +60% |
| валберис | +60% |
| mykadri | +50% |
| real madrid | +50% |
| ავერსი | +50% |
| tv pirveli | +40% |
| სუფთა სახლი | +40% |
| canva | +40% |
მთავარი მიგნებები
- სათამაშო ინდუსტრიის აბსოლუტური დომინირება ქართულ ინტერნეტ სივრცეში;
- ელექტრონული კომერციის პლატფორმების მკვეთრი ზრდა, რაც ონლაინ შოპინგის კულტურის დამკვიდრებაზე მიუთითებს;
- ხელოვნური ინტელექტის ტექნოლოგიებისადმი მზარდი ინტერესი;
- სპორტული კონტენტის და განსაკუთრებით საფეხბურთო ჩემპიონატების მაღალი პოპულარობა;
- ადგილობრივი სტრიმინგ სერვისების განვითარების პოზიტიური დინამიკა.
ბიზნესი (Business & Industrial)
2024 წლის მონაცემები აჩვენებს ციფრული პლატფორმების მზარდ მნიშვნელობას ბიზნეს სექტორში. TikTok-ის დომინანტური პოზიცია და მასთან დაკავშირებული სერვისების (download, downloader) ძებნის მაღალი მაჩვენებლები ბიზნეს კომუნიკაციებში სოციალური მედია მარკეტინგის გაძლიერებულ როლზე მიუთითებს.
კატეგორიის Top საძიებო სიტყვების სრული სია (18 დეკემბრის მონაცემები):
| ტოპ საძიებო სიტყვა | ფარდობითი პოპულარობა |
| tiktok | 100 |
| tbc | 63 |
| my kadri | 36 |
| saqartvelos banki | 29 |
| fb | 26 |
| tiktok download | 24 |
| translate | 21 |
| 21 | |
| alta | 18 |
| hr | 18 |
| mai avto | 18 |
| tiktok downloader | 16 |
| emis | 14 |
| tiktok video downloader | 14 |
| lms | 12 |
| silknet | 12 |
| paypal | 10 |
| ticket | 10 |
| google translate | 9 |
| hr ge | 9 |
| სარეცხი მანქანა | 8 |
| 8 | |
| youtube | 8 |
| tiktok download video | 8 |
| edupage | 7 |
საბანკო სექტორის წარმომადგენლებიდან ტოპ 25 საძიებო სიტყვაში ორი უმსხვილესი ქართული ბანკი მოხვდა. Google Trends-ის მონაცემებით, წლის განმავლობაში საძიებო სიტყვა “tbc” კატეგორიაში მეორე პოზიციას იკავებს, ხოლო “saqartvelos banki” – მეოთხეს, რაც მიუთითებს მომხმარებლების მაღალ ინტერესზე საბანკო სერვისების მიმართ.
ბანკების მიმართ მაღალი ინტერესის გათვალისწინებით, ჩვენ დამატებით შევისწავლეთ და ერთმანეთს დავადარეთ ამ ორი კომპანიის ძიების ტენდენციები როგორც ქართული, ისე ლათინური შრიფტით.
საინტერესო სურათი გამოიკვეთა: ლათინური შრიფტით ძიებისას “tbc” მნიშვნელოვნად აღემატება “saqartvelos banki”-ის ძიების მაჩვენებელს, თუმცა ქართული შრიფტით ძიებაში საპირისპირო ტენდენცია ვლინდება – “საქართველოს ბანკი” უფრო ხშირად იძებნება, ვიდრე “თიბისი”.
2024 წლის ფინანსური სექტორი (Finance)
საქართველოს ფინანსურ სივრცეში ყველაზე მეტად საძიებო თემები კვლავ სავალუტო კურსებთან და საბანკო მომსახურებასთან არის დაკავშირებული.
მომხმარებლები ყველაზე ხშირად ეძებენ:
1. USD კურსის მონაცემებს სხვადასხვა ვარიაციით, რაც ლარის მიმართ დოლარის გაცვლითი კურსის მუდმივ მონიტორინგზე მიუთითებს.
2. საბანკო სექტორიდან გამოსარჩევია Liberty Bank-ის და Rico Credit-ის სერვისებისადმი მაღალი ინტერესი, რაც სწრაფი სესხებისა და ფინანსური პროდუქტების აქტუალობაზე მეტყველებს.
3. ზოგადად ვალუტის გაცვლის კურსები სხვადასხვა მიმართულებით – მნიშვნელოვანი საძიებო თემებია.
4. სწრაფი სესხის კალკულატორებისა და ფინანსური გაანგარიშებების საძიებო აქტიურობა იზრდება.
მნიშვნელოვანი დაკვირვება: ასევე აღსანიშნავია, რომ ქართულ Google-ში რუსულენოვანი ძიებების მკვეთრი ზრდაა შესამჩნევი. ეს პირდაპირ მიუთითებს საქართველოში რუსულენოვანი აუდიტორიის რაოდენობრივ ზრდაზე, რაც მიგრაციული პროცესების და გეოპოლიტიკური ცვლილებების კონტექსტში საინტერესო სოციალურ ტენდენციას წარმოადგენს.
საბოლოო ჯამში, აღნიშული კატეგორიის მონაცემები ადასტურებს, რომ 2024 წელს,მომხმარებლები განსაკუთრებით დაინტერესებული იყვნენ სავალუტო ოპერაციების, საბანკო სერვისებისა და ფინანსური ინსტრუმენტების შესახებ ინფორმაციის მიღებით.
უძრავი ქონების სექტორი (Real Estate)
2024 წლის ძიების მონაცემები აჩვენებს მყიდველების მკაფიო პრიორიტეტებს უძრავი ქონების ბაზარზე. საძიებო სიტყვა “ბინა” ლიდერობს 100 ქულიანი ფარდობითი პოპულარობის მაჩვენებლით, სადაც გაყიდვებთან დაკავშირებული ძიებები (“იყიდება” – 93 ქულა), მნიშვნელოვნად აღემატება გაქირავების მაჩვენებლებს (“ქირავდება” – 71 ქულა).
ინტერნეტი და ტელეკომუნიკაციები (Internet & Telecom)
2024 წლის მონაცემების ანალიზი ციფრულ სივრცეში მობილური ტექნოლოგიების დომინანტურ პოზიციას აჩვენებს. iPhone და Google თითქმის თანაბარი მაჩვენებლით ლიდერობენ სიას, რაც თანამედროვე კომუნიკაციებში მობილური ტექნოლოგიებისა და საძიებო სერვისების ფუნდამენტურ მნიშვნელობაზე მიუთითებს.
ძიების მიმართულებით აღსანიშნავი ტენდენციებია:
- iPhone-ის მაღალი პოპულარობა საქართველოში.
- Google-ის შემდეგ Yandex (яндекс) იკავებს მაღალ პოზიციას, რაც შესაძლოა მიუთითებდეს:
- რუსულენოვანი აუდიტორიის მნიშვნელოვან წილზე საქართველოში.
- მიმდინარე გეოპოლიტიკური პროცესების გავლენაზე, ინფორმაციულ სივრცეზე.
მნიშვნელოვანი გაფრთხილება Yandex-ის გამოყენების საფრთხეების შესახებ: აღნიშნული პლატფორმა შესაძლოა წარმოადგენდეს კიბერუსაფრთხოების რისკს საქართველოს მოქალაქეებისთვის, რადგან არსებობს პერსონალური მონაცემების გაჟონვის რეალური საშიშროება.
ვიმედოვნებთ აღნიშნული ვითარება მალე შეიცვლება და ქართველი მომხმარებელი სრულად გადავა Google-ის საძიებო პლატფორმის გამოყენებაზე.
კომუნიკაციის საშუალებებიდან WhatsApp-ი კვლავ ლიდერ პოზიციაშია, რაც მობილურ კომუნიკაციებში თანამედროვე მესენჯერების გადამწყვეტ როლზე მიუთითებს.
დამატებითი საინტერესო ტენდენციები მოიცავს:
- მაღალ მოთხოვნას Web-სერვისებზე.
- სხვადასხვა საკომუნიკაციო პლატფორმების (Gmail, Yahoo Mail, Twitter) აქტიურ გამოყენებას.
- ტექნოლოგიური პროდუქტების, მათ შორის ინტერნეტის სიჩქარის შემოწმებაზე მაღალ ინტერესს, რაც შესაძლოა საქართველოში ინტერნეტის ხარისხთან იყოს დაკავშირებული.
საცალო ვაჭრობა (Shopping)
2024 წლის მონაცემების ანალიზი აჩვენებს საერთაშორისო მოდის ბრენდების დომინანტურ პოზიციას ქართულ ონლაინ საცალო ვაჭრობის სეგმენტში. Zara აბსოლუტური ლიდერია, მას მოსდევს Adidas და Mango. განსაკუთრებით საინტერესოა საბერძნეთის საცალო პლატფორმების მიმართ გამოხატული მაღალი ინტერესი (Zara Greece, Mango Greece).
წყარო: SEO სააგენტო "ალპაკა" , ვრცლად იხილეთ
