2026 წელი მზის პანელებზე ფასის ზრდით დაიწყო. მიუხედავად იმისა, რომ გასული ორი წელი მსოფლიო ბაზარზე მზის პანელებზე ფასების კლებით გამოირჩეოდა.
როგორც კომპანია Helios Energy Georgia-ს დამფუძნებელი თორნიკე დარჯანია “ბიზნესპარტნიორთან” აცხადებს, ფასები უკვე 20%-ით გაძვირდა და მოსალოდნელია რომ ეს მაჩვენებელი 30%-მდე გაიზრდება.
“ეს ძირითადად გამოწვეული იყო რამდენიმე ფაქტორით, როგორებიცაა: ფერად ლითონებზე ფასის ზრდა, ჩინეთის მთავრობის მხრიდან სუბსიდიების მოხსნა და ექსპორტის გადასახადების კვლავ დაწესება, ასევე ჩინეთის მთავრობის მიერ დარგის მკაცრი რეგულირება. პანელებზე ფასის ზრდა მზის ელექტროსადგურების პროექტების ღირებულების 10-15%-ით ზრდას გამოიწვევს. თუმცა, ფასები წესით დასტაბილურდება, მიუხედავად ამ ეტაპზე ფასების ზრდისა, მზის ენერგეტიკაში ინვესტირება მაინც მომგებიანი რჩება”, - ამბობს დარჯანია.
ცნობისთბის, კომპანია 2026 წელს ჯამში 110 მეგავატი სიმძლავრის სადგურს ააშენებს.
