"IBTM-ზე საქართველოს მიმართ ძალიან დიდი ინტერესია,"- ამის შესახებ "შერატონ გრანდ თბილისი მეტეხი პალასის" წარმომადგენელი ნატალია ჩანადირი აცხადებს და საქართველოს ტურიზმის ეროვნული ადმინისტრაციის საკონვენციო და საგამოფენო ბიუროს ესპანეთში, ბარსელონაში, მსოფლიოში ერთ-ერთ ყველაზე მასშტაბურ და გავლენიან გამოფენა IBTM World 2025-ში მონაწილეობის მიღებას აფასებს,
„გვქონდა ბევრი საინტერესო შეხვედრა. აღსანიშნავია, რომ გამოფენას ესწრებიან არა მხოლოდ ადგილობრივი ესპანური კომპანიები, არამედ ისეთი მასშტაბური ბაზრების წარმომადგენლები, როგორებიცაა: ამერიკა, აზია, ევროპა. მიმდინარეობს მოლაპარაკებები და ვიმედოვნებთ, რომ წარმატებით გაგრძელდება ჩვენი მონაწილეობა ამ გამოფენაზე",-აცხადებს ნატალია ჩანადირი.
ცნობისთვის, ტურიზმის ეროვნული ადმინისტრაციის ინფორმაციით, IBTM World 2025-ზე წარმოდგენილი იყო 150 ქვეყნიდან 2 500-ზე მეტი ორგანიზაცია და კომპანია, ხოლო გამოფენის სტუმრების რაოდენობამ 12 ათასს გადააჭარბა.
