ტყავის აქსესუარების კომპანია Gepherrini კანადის ბაზარზე გადის. კომპანიის დამფუძნებლის ილია გეფერაძის ცნობით,შეთანხმება უკვე გაფორმებულია და პროდუქციის გაყიდვა 15 ივნისიდან დაიწყება.
როგორც მან „ბიზნესპარტნიორთან“ აღნიშნა, საწყის ეტაზე კანადაში GEPHERRINI-ის პროდუქცია ონლაინ გაიყიდება.
„შეიქმნა ახალი საიტი და GoogleShop-ის დახმარებით დავიწყებთ გაყიდვას. შემდეგ ვიფიქრებთ მაღაზიის გახსნასაც“, - აღნიშნა ილია გეფერიძემ. მისივე ინფორმაციით, კომპანია გადართულია ექსპორტის კუთხით განვითარებაზე და ამ ეტაპზე მათი გაყიდვების 40% სწორედ ექსპორტზე მოდის.
ცნობისთვის, GEPHERRINI ქართული ბრენდია, რომელიც ჩანთებსს, საფულეებს, ფეხსაცმელსა და აქსესუარებს აწარმოებს. კომპანია ექსპორტზე ჯამში 13 ქვეყანაში გადის.