China Eastern Airlines-ი საქართველოს ავიაბაზარზე შემოდის. ამის შესახებ იინფორმაციას საქართველოს აეროპორტების გაერთიანება ავრცელებს.
მათვე ცნობით, 15 ივლისიდან თბილისსა და შანხაის შორის პირდაპირი რეგულარული ავიამიმოსვლა ამოქმედდება. China Eastern Airlines რეისებს კვირაში 3-ჯერ - ოთხშაბათს, პარასკევსა და კვირას შეასრულებს.
როგორც გაერთიანების ინფორმაციაშია აღნიშნული, China Eastern Airlines-ი მესამე ჩინური ავიაკომპანიაა, რომელიც საქართველოსა და ჩინეთს შორის პირდაპირ რეგულარულ რეისებს შეასრულებს.
"ახალი მიმართულება ხელს შეუწყობს ტურიზმის, ბიზნესისა და სავაჭრო-ეკონომიკური კავშირების გაძლიერებას. უვიზო რეჟიმთან ერთად, ორ ქვეყანას შორის მგზავრობა კიდევ უფრო მარტივი გახდება. ბილეთების შეძენა ავიაკომპანიის ოფიციალურ ვებგვერდ www.ceair.com-ზეა შესაძლებელი,"-ნათქვამია საქართველოს აეროპორტების გაერთიანების მიერ გავრცელებულ ინფორმაციაში.
