1706270400

"ბიზნესპარტნიორი"  ყოველკვირეულ რუბრიკას - "ციფრული პარტნიორი" აგრძელებს, სადაც ციფრული მარკეტინგის სწრაფად მზარდ ბაზართან დაკავშირებით არაერთი აქტუალური საკითხის განხილვა და ანალიზი ხდება.რას გულისხმობს Search ads და რა მახასიათებლების დახმარებით შეგვიძლია ამ ტიპის რეკლამის ამოცნობა. თემაზე "ბიზნესპარტნიორთან" რუბრიკის სტუმარმა, "თინეთის" ციფრული მარკეტინგის ლიდმა გიორგი კალანდიამ ისაუბრა. რას გულისხმობს Search ads და რა მახასიათებლებით შეგვიძლია ამ რეკლამის ამოცნობა? როდესაც ადამიანები სასურველი ინფორმაციის მოძიებას იწყებენ, Google-ის საძიებო სისტემაში მარტივად შეუძლიათ დაინახონ პატარა თაგი, რომელიც რეკლამის სახით გამოდის, რაც განასხვავებს paid advertising-სა და organic search result-ებს. ანუ, არსებობს ორი ტიპის საძიებო სისტემების რეზულტატი. ერთი - დარეკლამებული, რაც Search ads-ის მეშვეობით ხდება და მეორე - ორგანული, რომელსაც Google მომხმარებელს თავაზობს ძიების მეშვეობით. რა არის ის ძირითადი უპირატესობები, რომელთა გამოც მომხმარებლები Google-ზე,  Bing-ზე და Yahoo-ზე აკეთებენ არჩევანს?  ამ არხების მეშვეობით სამიზნე აუდიტორია მარტივად მოიძებნება. როცა მომხმარებელი Google-ის საძიებო სისტემაში რაღაცას ეძებს, ეს უკვე ნიშნავს იმას, რომ მას ამ პროდუქტის ან სერვისის მიმართ გარკვეული ინტერესი აქვს. Search ads-ის გარდა, პირობითად, სხვა რომელი თულების გამოყენებაა სავალდებულო ედვერთაიზერების მხრიდან კამპანიის წარმოებისას? ტრადიციულ და ციფრულ მარკეტინგში ადამიანს რაც უფრო მეტ ადგილას შეხვდება თქვენი რეკლამა, მას ეს უფრო მეტად დაამახსოვრდება და ამ პროდუქტის ან სერვიცის მიმართ უფრო მეტი ინტერესი ექნება. ციფრული მერკეტინგი ამ პარამეტრებით რომ შევაფასოთ, არსებობს ვიზუალური იდენტობა, არის ტექსტობრივი რეკლამები, ვიდეო რეკლამები და ასევე ხმოვანი რეკლამები. ფაქტობრივად, თუ ჩვენ გვინდა სრულყოფილი ციფრული მარკეტინგი ვაკეთოთ და ასევე, სრულყოფილებაში მოვიყვანოთ თუნდაც Search Advertising-ი, სასურველია გამოვიყენოთ რაც შეიძლება მეტი ხელსაწყო - იქნება ეს Search Advertising, Display Advertising, სოციალურ ქსელში advertising-ი თუ ნებისმიერი სხვა ტიპის რეკლამა, რომლებიც ციფრულ მარკეტინგში არის ხელმისაწვდომი. მარტივად რომ ვთქვათ, 360°-ით რეკლამირება ყოველთვის უფრო ეფექტურია. რა პრობლემებს შეიძლება წააწყდეს ქართველი ედვერთაიზერი Search ads-ის გაშვებისას და რა შეიძლება იყოს ამ პრობლემების გადაჭრის გზა? ძირითადი პრობლემა, რასაც დღეს ედვერთაიზერები საქართველოში ვაწყდებით ენის პრობლემაა. ეს არ ნიშნავს, რომ Google ქართულ ენას ხელს არ უწყობს. უწყობს, უბრალოდ, ჯერჯერობით მათი ალგორითმი არ არის მორგებული ედვერთაიზინგში ქართულ ენაზე, რაც გარკვეულწილად პრობლემას წარმოადგენს, მაგრამ არსებობს გადაჭრის გზები. არის ბევრი შემოვლითი გზა, რითაც შეიძლება გვერდი ავუაროთ სხვადასხვა რეკლამების ე.წ. ქართული ენის გამო დაბლოკვას. ერთ-ერთი გზა არის ის, რომ საქართველოში არის წარმოდგენილი Googlez-ის პარტნიორი კომპანია - Admixer, რომელიც გვაძლევს წვდომას Google-ის მარკეტინგულ პლატფორმებზე და Admixer-ის საშუალებით, მარტივი წვდომა გვაქვს Google-ის support-თან. შესაბამისად, ისინი არიან შეუამავლები, რომ ეს გარკვეული პრობლემები, რაც ქართულ ენას ეხება მოგვიგვარონ. სამომავლო ტენდენციებზეც რომ გვითხრათ, ხომ არ იბადება ახალი პლატფორმა და ტექნოლოგია, რომელიც Search Advertising-ს კიდევ უფრო მოქნილსა და მოსახერხებელს გახდის? ასე ტრენდებს რომ შევხედოთ და ზოგადად, როგორ იცვლება მთლიანად მსოფლიო ამ მიმართულებით, რა თქმა უნდა, ძალიან ბევრი სიახლეა. ვიცით, რომ  AI ტექნოლოგიები უფრო მეტად ვითარდება. დაახლოებით 1 წლის წინ Google-მა პრეზენტაცია ჩაატარა, სადაც ისაუბრა, რომ მეტად აპირებს AI ტექნოლოგიის დანერგვას ედვერთაიზინგში, რაც ერთი მხრივ, ამარტივებს ედვერთაიზინგს, თუმცა, მეორე მხრივ, რადგან ჯერ AI ტექნოლოგია ბოლომდე დალაგებული არ არის, საქართველოს შემთხვევაში, უფრო მეტ შეცდომას ბადებს. რა თქმა უნდა, ველოდებით, რომ ტექნოლოგიები და ეს ყველაფერი უფრო მეტად და სწრაფად განვითარდება და საქართველოსთვისაც უფრო მალე იქნება ხელმისაწვდომი.

1705658400

"ბიზნესპარტნიორი"  აგრძელებს ყოველკვირეულ რუბრიკას - "ციფრული პარტნიორი", სადაც ციფრული მარკეტინგის სწრაფად მზარდ ბაზართან დაკავშირებით არაერთი აქტუალური საკითხის განხილვა და ანალიზი ხდება.რა არის Admixer TradeDesk-ის მთავარი უპირატესობა და რომელია მისი ყველაზე მნიშვნელოვანი ელემენტები. თემაზე "ბიზნესპარტნიორთან" რუბრიკის სტუმარმა, Admixer - ის ციფრულმა მარკეტერმა ლუკა ნემსაძემ ისაუბრა: რა არის Admixer TradeDesk-ის მთავარი უპირატესობა? თუ ადრე ედვერთაიზერს თავისი კამპანის ერთდროულად რამდენიმე საიტზე გაშვება უნდოდა, ამისთვის კი თითოეულთან ცალკე კომუნიკაციის დამყარება, მოთხოვნილი ფაილების გაგზავნა და თითოეულ საიტზე ბანერების განთავსება ცალ-ცალკე უხდებოდა და ბოლოს რეპორტის ექსელის სახით მიღება უწევდა, Admixer-მა ეს ყველაფერი ედვერთაიზერებს გაუმარტივა. რაც ნიშნავს იმას, რომ ერთ ინტერფეისში შეგიძლიათ გქონდეთ თქვენი კამპანია,გქონდეთ  საიტები. შედეგად, შეგიძლიათ მარტივად გაუშვათ კამპანიები, მარტივად გააკეთოთ რეპორტები და მათი ოპტიმიზირება მოახდინოთ. რომელია Admixer TradeDesk-ის ყველაზე მნიშვნელოვანი ელემენტები და რისთვისაა ისინი საჭირო? Admixer TradeDesk-ის მნიშვნელოვანი ელემენტებიდან გამოვყოფდი 2 ნაწილს - ინვენტარის რეპორტს, რომელიც ედვერთაიზერს საშუალებას აძლევს კამპანიის გაშვებამდე  მის ხელთ არსებული ინვენტარის რეპორტი გააკეთოს, რათა წინასწარ ნახოს რა რიჩის აღება შეუძლია ამ კონკრეტული პროდუქტით და ასევე, შეუძლია ეს რეპორტი ჩაშალოს იმდენად დეტალურად, რომ ნახოს, რომელ ოპერატიულ სისტემებზეა, დივაისებზეა ძირითადად მოთხოვნა და ასევე, ქვეყნების, რეგიონებისა და ქალაქების მიხედვითაც კი შეუძლია ამ ინვენტარის რეპორტის ჩაშლა. მეორე და ალბათ ყველაზე მნიშვნელოვანი ელემენტი თარგეთირების საშუალებებია, რომელიც აერთიანებს ლოკაციების თარგეთირებას, აიპი მისამართების მიხედვით თარგეთირებას, დევაისებისა და ოპერაციული სისტემების მიხედვით თარგეთირებას, რემარკეტინგს, Activity based აუდიენციებს - ედვერთაიიზერს შეუძლია შეაგროვოს მისი კამპანიის აუდიენცია იქნება ეს კლიკის მიხედვით, ჩვენების თუ ნებისმიერი სხვა ჩართულობის მიხედვით და შემდეგ, კამპანიები ამ კონკრეტულ აუდიენციებზე გაუშვას.  როგორ გვაწვდის სისტემა რეპორტებს? Admixer TradeDesk რეპორტს გვაწვდის ორი მეთოდით. პირველი - პროფაილ რეპორტი, რომელიც არის instant რეპორტი და ედვერთაიზერს წვდომა აქვს real time რეპორტზე, რაც მოიცავს ძალიან ბევრ KPI-ს, ჩაშლილ ინფორმაციას (ბიუჯეტის გადანაწილების რეპორტი, დევაისების და ოპერაციული სისტემების რეპორტი, ლოკაციის რეპორტი, კრეატივის რეპორტ, დაყოვნების დრო, ჩვენებადი ნახვა). მეორე -  offline რეპორტი, რომელიც ბევრად უფრო დეტალური და სიღრმისეული რეპორტია Admixer- ში და ექსელის საშუალებით ამოდის. აქ აბსოლუტურად ყველა მეტრიკაზე აქვს წვდომა ედვერთაიზერს. რა ტიპის კრეატივის გამოყენება შეუძლია ედვერთაიზერს TradeDesk-ის საშუალებით? ედვერთაიზერებს საშუალება აქვთ გამოიყენონ ბევრი სხვადასხვა ტიპის კრეატივი, შეიძლება ეს იყოს სტატიკური გიფი, pnj, jpj ფორმატის კრეატივები, შეიძლება იყოს უბრალოდ ანიმირებული HDML 5-ის ფორმატის კრეატივები. ასევე, მათ წვდომა აქვთ Admixer- ის მზა template-ებზ. მაგ. შეუძლიათ გამოიყენონ 3D leader board, kubi, რომელიც უფრო მეტად ჩართულობით გამოირჩევა მომხმარებლისთვის, scratch baner-იც შეუძლიათ გამოიყენონ და ძალიან ბევრი ტიპის reach media ფორმატი. ასევე საშუალება აქვთ გამოიყენონ დინამიური კრეატივები, რაც გულისხმობს, რომ ედვერთაიზერს შეუძლია გაუშვას ისეთუ კრეატივები, რომელიც მისი საიტიდან ავტომატურად წამოიღბს მის პროდუქტებს და მათ ფასებს. რა ინვენტარზე გვაძლევს წვდომას Admixer TradeDesk? Admixer TradeDesk საშუალებას აძლევს ედვერთაიზერს, რომ გაუშვას მისი კამპანიები, როგორც გლობალურ, ასევე ლოკალურ ინვენტარზე. ლოკალური ინვენტარიდან Admixer-ის ნეთვორქში, ამ ეტაპზე, 50-ზე მეტი ქართული ვებსაიტი შედის.

1705417200

"ბიზნესპარტნიორი"  ყოველკვირეულ რუბრიკას - "ციფრული პარტნიორი" აგრძელებს, სადაც ციფრული მარკეტინგის სწრაფად მზარდ ბაზართან დაკავშირებით არაერთი აქტუალური საკითხის განხილვა და ანალიზი ხდება.რა ინსტრუმენტები ერთიანდება და ზოგადად, რა ბენეფიტების მატარებელია Google-ს მარკეტინგული პლატფორმა. თემაზე "ბიზნესპარტნიორთან" რუბრიკის სტუმარმა,  Admixer-ის ციფრულმა მარკეტერმა გური ხახიაურმა ისაუბრა. რა ინსტრუმენტები ერთიანდება Google-ის მარკეტინგული პლატფორმის ქვეშ? Google-ის მარკეტინგული პლატფორმა  სხვადასხვა ინსტუმენტს აერთიანებს, რომლებიც ბიზნესებს  სხვადასხვა ამოცანებსა და გამოწვევებთან გამკლავებაში ეხმარება. მაგალითისთვის, სარეკლამო კამპანიის დასაგეგმად გვაქვს სამი პლატფორმა - DV360, Campaign Manager 360, Search Ads 360. ამ პლატფორმების დახმარებით, ედვერთაიზერს ყველა ტიპის სარეკლამო აქტივობის განხორციელება შეუძლია. კრეატივების დაგეგმარების მხრივ და სხვადასხვა ფორმატების გამოსაყენებლად Google გვთავაზობს Google Designer-ს და Ads Creative სტუდიოს. მომხმარებლის ქცევის ანალიზისთვის გვაქვს Google Tag Manager და Google Analytics. რაც შეეხება "რეპორტინგის" სისტემას, მიუხედავად იმისა, რომ ყველა ეს პლატფორმა თავის თავში საკუთარ "რეპორტინგის" ინსტრუმენტებს აერთიანებს, საჭირო გახდა შექმნილიყო გამაერთიანებელი პლატფორმა, როგორიცაა Looker Studio. აქ ყველა ამ ჩამოთვლილი პლატფორმის შედეგები და ამ შედეგების ვიზუალიზაცია შეგვიძლია მოვახდინოთ. ამ ჩამონათვალში თუ შეგვიძლია გამოვყოთ მთავარი, უნივერსალური ინსტრუმენტი? ერთი პლატფორმის გამოყოფა Google-ის მარკეტინგული პლატფორმიდან გაგვიჭირდება, რადგან ესენი  სინერგიულად სამუშაოდაა შექმნილი. თუმცა, ყველაზე პოპულარული და ხშირად მოხმარებადი აქედან DV360-ია, რომელიც ედვერთაიზერებს რეალურ დროში სარეკლამო სივრცის შესყიდვის, მონაცემთა საფუძველზე კამპანიების დაოპტიმიზირებისა და სხვადასხვა პლატფორმებზე რეპორტინგის წარმოების საშუალებას აძლევს. ზოგადად, Google-ის მარკეტინგული პლატფორმა რა ბენეფიტების მატარებელია? Google-ის მარკეტინგული პლატფორმა ბიზნესებს მრავალ ბენეფიტს სთავაზობს. ერთ-ერთი რომ გამოვარჩიოთ, ინტეგრირებულობა და ერთიანი სისტემაა, რაც მარკეტოლოგებს ეხმარება კამპანიების უკეთ დაგეგმვაში და უკეთ ოპტიმიზაციაში რეალურ დროში. გარდა ამისა, სხვადასხვა მარკეტინგული გუნდის თანამშრომლობას აუმჯობესებს. გვაქვს სამიზნე აუდიტორიის ბევრად უფრო სიღრმისეული ანალიტიკა, რათა სწორ დროს, სწორი მესიჯი მივაწოდოთ მომხმარებელს. რატომ არის Display Ads ერთ-ერთი საკვანძო ინსტრუმენტი? Display Ads საკვანძო როლს იკავებს არა მარტო პროგრამატიკულ, არამედ ზოგადად ციფრულ მარკეტინგში. Display Ads არის ერთ-ერთი პირველი რეკლამის ტიპი, რაც გულისხმობს მომხმარებლისთვის ვებსაიტებზე, აპლიკაციებზე, სოციალურ ქსელებში და ა.შ. სარეკლამო ბანერების ჩვენებას. მისი უნივერსალურობა გამოიხატება მის სიმარტივეში. Display Ads შეგვიძლია გამოვიყენოთ კამპანიის ნებისმიერ ტიპზე. მაგ. თუ ბიზნესისთვის კამპანიის მიზანი მხოლოდ ბრენდის ცნობადობის ამაღლებაა, ამ შემთხვევაში, Display Ads საუკეთესო ვარიანტია. Display Ads იგივე წარმატებით ფუნქციონირებს კონვერსიებზე ოპტიმიზირებულ კამპანიებში, ან ლიდების გენერაციისთვის ოპტიმიზირებულ კამპანიებში. ზოგადად, ციფრული ბანერები გვთავაზობს ძალიან მრავალფეროვან ფორმატებს და სხვა ტიპის კრეატივებთან შედარებით, ძალიან მარტივია საბანერო რეკლამის მოდიფიკაცია, ავტომატიზაცია. თუ ჩვენ ისეთ ინსტრუმენტს გამოვიყენებთ, როგორიც DV360-ია, ჩვენი Display Ads მონაცემების საფუძველზე მომუშავე ინსტრუმენტი შეგვიძლია გავხადოთ, რაც პირდაპირ გულისხმობს მომხმარებლისთვის ზუსტ დროს ზუსტი კრეატივის ჩვენებას, მაშინ, როცა მომხმარებელი ყველა ზედმეტადაა მზად კონვერტაციისთვის და გაყიდვისა თუ ლიდის გენერირებისთვის. რა არის ბიზნესის მთავარი მიზანი ციფრულ მარკეტინგში? ბიზნესის მთავარი მიზანი უცვლელია - მოგების მაქსიმიზაცია. თუმცა, ამ მიზნის მისაღწევად ციფრულ მარკეტოლოგებს ბევრი ფაქტორის გათვალისწინება უწევთ. ზოგადად, ციფრული სფერო სწრაფად განვითარებადია, ეს არ ეხება მხოლოდ ტექნოლოგიებს, მომხმარებლის ცნობიერებაც, განსაკუთრებით კოვიდის შემდეგ, ციფრულ პროდუქტებსა და სერვისებზე ერთიორად ამაღლდა, რის გამოც ბიზნესებს მთავარი აქცენტის გაკეთება მომხმარებლის კმაყოფილებაზე უწევთ, რათა შექმნან მყარი პოზიციონირება ციფრულ ბაზარზე, შექმნან მომხმარებლის ლოიალური ბაზა, რის გარეშეც ბიზნესი განწირულია. გრძელვადიან პერიოდში, მთავარი მიზანი კონკურენტუნარიანობის შენარჩუნებაა.

1705330800

კინოინდუსტრიის მაჩვენებლები წლიდან წლამდე უმჯობესდება. ამას მოწმობს გლობალური მედიის ანალიტიკის ამერიკული კომპანიის Comscore-ის მონაცემებიც, რომლის მიხედვითაც,  2023 წელს კინოთეატრების ბილეთების გაყიდვების მოცულობამ 9 მლრდ დოლარს გადააჭარბა, რაც პანდემიის შემდგომ ყველაზე მაღალი მაჩვენებელია. მართალია ეს მონაცემები 2019 წლის მაჩვენებლებს 20%-ით ჩამორჩება, თუმცა უნდა აღინიშნოს ისიც, რომ 2020 წელთან შედარებით, შიდა სალაროებში შემოსავალი გასულ წელს 300%-ით გაიზარდა.2023 წლის ყველაზე შემოსავლიანი ფილმების TOP  ხუთეული კი ასეთია:პრემიერიდან მხოლოდ 35 დღეში, წლის ყველაზე შემოსავლიანი ფილმი, გრეტა გერვიგის რეჟისორობით გადაღებული „ბარბი“ გახდა, რომელმაც $1.44 მლრდ  -ის შემოსავალი მოიტანა.1.34 მლრდ -იანი შემოსავლით, მეორე ადგილს სათავგადასავლო ანიმაციური ფილმი -  სუპერ მარიო ძმების ფილმი იკავებს.ეპიკური ბიოგრაფიული ფილმი - ოპენჰაიმერი, რომელიც „ატომური ბომბის მამად“ წოდებული ამერიკელი თეორიტიკოს-ფიზიკოსი ს ისტორიას გვიყვება 951.4მლნ -იანი შემოსავლით მესამე ადგილს იკავებს.გალაქტიკის მცველებმა, მორიგი გასაოცარი მიქსით მეოთხე ადგილი დაიკავეს.  რაკეტის ისტორიამ  მარველ სტუდიოს  845.4 მლნ მოუტანეს.მეხუთე ადგილს კი ამერიკული მძაფრ-სუჟეტიანი ფილმების სერიის - ფორსაჟის მე-10  ნაწილი იკავებს, რომლის შემოსავალმაც  $707.6 მლნ შეადგინა.ნავარაუდებია, რომ მზარდი ტრენდი მიმდინარე წელსაც შენარჩუნდება. 2024 წლის ყველაზე შემოსავლიან ფილმებს შორის კი TOP  სამ  პოზიციას  „საზიზღარი მე4“; „დედპული3“ და „თავდაყირა2“ დაიკავებენ.

1704450060

"ბიზნესპარტნიორი" აგრძელებს ყოველკვირეულ რუბრიკას - "ციფრული პარტნიორი", სადაც ციფრული მარკეტინგის სწრაფად მზარდ ბაზართან დაკავშირებით არაერთი აქტუალური საკითხის განხილვა და ანალიზი ხდება.რას შემოგვთავაზებს Google და ზოგადად, რა სიახლეებს უნდა ველოდოთ გლობალურ სარეკლამო ინდუსტრიაში 2024 წელს. თემაზე "ბიზნესპარტნიორთან" რუბრიკის სტუმარმა, Admixer-ის GMP განყოფილების მმართველმა დირექტორმა ალექსანდერ ტისმენეცკიმ ისაუბრა: რას სთავაზობს GMP ტექნოლოგიები ედვერთაიზერებს? პირველ რიგში სასიამოვნოა თქვენს გადაცემაში მონაწილეობა. GMP ფაქტობრივაად წარმოადგენს პროდუქტების ეკოსისტემას, რომელიც შექმნილია დიდი ბრუნვის მქონე კომპანიებისთვის. აღნიშნული ეკოსისტემა განკუთვნილია სხვადასხვა რეგიონში მიმდინარე კამპანიის მენეჯმენტში, ანალიტიკასა და ელექტრონული კომერციაში არსებული გამოწვევების გასამკლავებლად.  მისი საშუალებით შესაძლებელია ელექტრონული კომერციის ეფექტური მართვა, რადგან სისტემა გაძლევს შესაძლელობას აწარმოო ლიდების გენერირება ვბეგვერდებსა და მობილურ აპლიკაციებში. რა უპირატესობები აქვს DV360 პლატფორმას? DV360 მედიის, ბანერებისა და ვიდეოების შესყიდვის მძლავრ ინსტრუმენტს წარმოადგენს. მისი დახმარებით კომპანიებს შეუძლიათ ბრენდის ცნობადობისა და კონვერტაციების მაჩვენებლების გაუმჯობესება, როგორც მობილურ აპლიკაციებში, ისე ვბეგვერდებზე. DV360 ინტეგრირებულია google analytics 4 და campaign manager -თან აღნიშნული ფაქტორი კი, საბოლოო ჯამში ხელს უწყობს კომპანიების ეფექტურ მუშაობას. რა სიახლეებს უნდა ველოდოთ Google-ისგან კავკასიის ბაზრისთვის? კარგი კითხვაა, თუმცა მე არ ვარ GOOGLE- ის თანამშრომელი, არ ვიცი მათი სამომავლო გეგმების შესახებ. მაგრამ რომც მქონდეს აღნიშნულ კითხვაზე პასუხი, ეს მაინც არ იქნებოდა სწორი. მსგავსი მიდგომა არ ჰგავს GOOGLE- ის თანამშრომლობის პოლიტიკას. დღეს ჩვენ ვხედავთ რამდენიმე მნიშვნელოვან საკითხს როგორც გლობალურ დონეზე, ისე თქვენი ქვეყნისთვის, ვგულისხმობ მომხმარებელთა მონაცემების კონფდენციალურობას. რეკლამის განმათავსებლებმა ინვესტიცია პირველი მხარის მონაცემებში უნდა განათავსონ, აღნიშნული კი google-ის გადაწყვეტილებებში უნდა იყოს დანერგილი. აღნიშნული მიდგომა ციფრული რეკლამის ეფექტურობის გასაუმჯობესებლად გულისხმობს მონაცემთა კონფიდენციალურობის პოლიტიკის, ხელოვნური ინტელექტის გამოყენებას, მანქანურ სწავლებას. ეს თემები გლობალური ტენდენციაა, რომელსაც ქართველი რეკლამის მომწოდებლები მომავალ წელს შეხვდებიან. როგორ შეაფასებდით აღმოსავლეთ ევროპის სარეკლამო ინდუსტრიაში მიმდინარე ცვლილებებს? მიყვება თუ არა აღნიშნული ბაზარი საერთაშორისო ტენდენციებს, თუ ამ მხრივ, შედარებით განსხვავებული ვითარებაა?  როგორც უკვე აღვნიშნე, დღეს ნომერ პირველი საკითხი ევროპულ სივრცეში კონფიდენციალურობის თემაა. სწორედ ამიტომ, Google analytics-ის პლატფორმაში მონაცემების შეგროვება მომხმარებელთა თანხმობის საფუძველზე უნდა იყოს განხორციელებული. 2024 წლის ზაფხულში კი Google Chrome-ში მესამე მხარის ქუქი-ფაილებს აღარ ექნებათ მხარდაჭერა.აქედან გამომდინარე, რადგან ვიცით, რომ საქართველო ევროპული სივრცეს უნდა შეუერთდეს  აუცილებელია აღნიშნული პირად ინფორმაციასთან დაკავშირებული წესების დაცვა. რატომ არის პროგრამატიკული რეკლამირება ეფექტური საშუალება და რა სიახლეებს უნდა ველოდოთ 2024 წლისთვის გლობალურ სარეკლამო ინდუსტრიაში? პროგრამატიკული რეკამირების დახმარებით, თქვენ შეგიძლიათ ბრენდის ცნობადობის შექმნა, ასევე წარმართოთ performance კამპანიები როგორც upselling და downselling დონეზე. მომავალი წლისთვის პროგრამატიკული სისტემა აღჭურვილი იქნება ხელოვნური ინტელექტის ელემენტებითა და მანქანური სწავლების პროგნოზირებადი ალგორითმით. Google custom biding ალგორითმთან ერთად აუცილებლად ფოკუსირდება ვიდეო რეკლამირებაზე, connected tv რეკლამირებაზე, e-commerce კამპანიებზე. აღნიშნულის გათვალისწინებით ვფიქრობ, რომ ნამდვილად საინტერესო მომავალი გველის.

1704365040

"ბიზნესპარტნიორი"  ყოველკვირეულ რუბრიკას - "ციფრული პარტნიორი" აგრძელებს, სადაც ციფრული მარკეტინგის სწრაფად მზარდ ბაზართან დაკავშირებით არაერთი აქტუალური საკითხის განხილვა და ანალიზი ხდება.რა უნდა გავითვალისწინოთ ვებგვერდის დეველოპმენტის დაგეგმვისას, რა დრო სჭირდება მის დამზადებას და რა განსაზღვრავს ფასს. თემაზე "ბიზნესპარტნიორთან" რუბრიკის სტუმარმა, Clipart - ის მთავარმა ტექნიკურმა მენეჯერმა ირაკლი კვაჭანტირაძემ ისაუბრა:  რა დრო სჭირდება და რა ღირს ვებგვერდის დამზადება? ამ ორ კითხვას დამკვეთი ყოველთვის სვამს. დრო დამოკიდებულია იმაზე, თუ რა საჭიროება აქვს კონკრეტულ ვებგვერდს, რა სამიზნე აუდიტორია შეიძლება ჰქონდეს, ვიზიტორები, დანიშნულება და ტექნიკური დავალების საჭიროება, თუ რამდენი გვერდისგან შეიძლება შედგებოდეს ვებგვერდი. პირველ რიგში, დამკვეთმა უნდა იცოდეს ზუსტად რისი მიღება სურს ამ ვებგვერდისგან და დეველოპერების გუნდმა სწორად უნდა გავიგოთ და შევაფასოთ ეს ყოველივე. ღირებულებას რაც შეეხება, პირველ რიგში, ეს დროზეა დამოკიდებული - რა პერიოდზეა ეს პროექტი გაწერილი, რომ გუნდი სრულად იყოს ჩართული და მუშაობდეს. მეორე ძალიან მნიშვნელოვანი ფაქტორია, თუ რა ტექნოლოგიას ავირჩევთ და შევჯერდებით დამკვეთთან და ბევრი სხვა შიდა დეტალი, რომელიც არის არქიტექტურა ამ ვებგვერდის თუ პლატფორმის მთლიანობაში. რა არის მთავარი, რა უნდა გავითვალისწინოთ ვებგვერდის დეველოპმენტის დაგეგმვისას? დეველოპმმენტის დაგეგმვისას რამდენიმე პუნქტია აუცილებლად გასათვალისწინებელი. 2023 წლის ოქტომბრის სტატისტიკის მიხედვით, რომელიც Similarweb-მა აწარმოა, მსოფლიოს მასშტაბით, მომხმარებლების 64% ვებგვერდებს  მობილური მოწყობილობით სტუმრობს. ამის შემდეგ მოდის - 35%  დესკტოპით და მხოლოდ 1%-ია ტაბლეტ მოწყობილობები. ამის გათვალისწინებით, პირველ რიგში გასათვალისწინებელია, რომ ვებგვერდი მობილურ მოწყობილობებზე კარგად მუშაობდეს. ასევე, ძალიან მნიშვნელოვანია, SEO იყოს გათვლილი სრულად ვებგვერდზე. ანუ, დამკვეთს მართვის პანელიდან შეეძლოს იმ მეტათეგების სრულად გაწერა, რისი რეკომენდაციაც SEO სააგენტოების მხრიდან არის . რა ეტაპებისგან შედგება ვებგვერდის დამზადების პროცესი? პირველი პროცესია ანალიზი, შესაძლოა ბაზრის კვლევა ჩავატაროთ - გამოვიკვლიოთ მათი კონკურენტები რა ტიპის ვებგვერდებს იყენებენ; რა მოდულები აქვთ, რაც შეიძლება დამკვეთს არ ჰქონდეს სიაში და ჩვენი რეკომენდაციით დავამატოთ. შემდეგ, დაგეგმვა სრული პროცესის, ვებგვერდის ფუნქციონალის არქიტექტურა. ამის შემდეგ გადავდივართ UI / UX დიზაინზე. დიზაინის კეთების პროცესში, ძალიან ხშირად იკვეთება ბევრი დეტალი, რომელიც შესაძლოა ტექნიკურ დავალებაში ტექსტურად არ მოგვაფიქრდეს. დიზაინის დასრულების შემდეგ, გადავდივართ უშუალოდ ვებ დეველოპმენტზე - frontend და backend დეველოპერი წერს კოდს. შემდეგია hosting პროვაიდერის სწორად შერჩევა და მათთან სერვერის სწორი კონფიგურაციისა და შესაძლებლობების განსაზღვრა. ბოლო ეტაპია პროდუქტის საბოლოო ტესტირება. რამდენად სჭირდება ვებგვერდს ან პლატფორმას  "საფორთი" და რატომ? ვებგვერდი არის ცოცხალი ორგანიზმი და აუცილებელია მისი მოვლა, ანუ "საფორთი". აუცილებელია ვებგვერდის თუ პლატფორმის სარეზერვო ასლების შენახვა, რაც მოიცავს, როგორც სერვერზე ატვირთულ კონტენტს, ასევე, იმ კოდს, რომელიც ამუშავებს ვებგვერდს/პლატფორმას. აუცილებლობა იმიტომ დგას, რომ 100%-ით არასდროსაა არცერთი სერვისი დაზღვეული ამ მონაცემების დაკარგვისგან. ასევე, საფორთის ნაწილია იმ სერვისების განახლებები, რომლებიც ჩაბმულია და მონაწილეობას იღებს ვებგვერდის სწორად ფუნქციონირებაში. მესამე და არა ნაკლებ მნიშვნელოვანია, მუდმივი მონიტორინგი, ხარვეზების აღმოჩენა და მათი აღმოფხვრა, რათა უსაფრთხოება იყოს მაქსიმალურად შენარჩუნებული. როგორია სამომავლო ტენდენციები ვებ დეველოპმენტის მიმართულებით? ჩვენ ვხედავთ, რომ AI უკვე ძალიან აქტუალურია. გაიზრდება ვებგვერდების რაოდენობა, რომლებშიც უფრო აქტიურად იქნება AI ინტეგრირებული, რომელიც ეხმარება ვებგვერდების მფლობელებს პლატფორმები  ვიზიტორებისთვის უფრო პერსონალიზებული გახადონ, რაც ორივე მხარისთვის დიდი კომფორტია. უკვე ხშირია და კარგი ფუნქცია აქვს Chatbot-ების არსებობას. ასევე, სულ უფრო პოპულარული ხდება ვებგვერდებსა და აპლიკაციებში ხმოვანი ძებნა და სასურველია, რომ დეველოპერებმა, როგორც ვებგვერდებზე , ისე აპლიკაციებში უფრო აქტიურად ჩააშენონონ ეს სერვისი. 

1703763198

„გარემოს დაცვის მიმართულება ევროპული ინტეგრაციის პროცესის ერთ-ერთი მნიშვნელოვანი ნაწილია,“ - ამის შესახებ სოფლის მეურნეობისა და გარემოს დაცვის მინისტრის პირველმა მოადგილემ ნინო თანდილაშვილი „ბიზნესი რუსთავი 2“-ის ეთერში განაცხადა. მისივე თქმით, დაახლოებით 27 რეგულაციაა, რომელთა დაახლოებაც გვიწევს ასოცირების შეთანხმებით. აქედან 20-თან  ეროვნული კანონმდებლობა უკვე დაახლოებულია, დანარჩენ საკითხებზე კი მუშაობა გრძელდება.როგორც თანდილაშვილი აცხადებს, მიღბულია ახალი კანონმდებლობა, რომელიც  სამრეწველო ემისიებს შეეხება.ასევე ახალი რეფორმა ტყის სექტორში; ახალი კანონმდებლობა წყლის რესურსების მართვის მიმართულებით. ასევე, სიახლეებია გარემოს დაცვის პასუხისმგებლობის ნაწილში - წლის ბოლოს მთავრობამ მოიწონა "ბიომრავალფეროვნების შესახებ კანონი", რომელიც ნინო თანდილაშვილის განმარტებით, სრულად ასახავს ევროკავშირის ბიომრავალფეროვნების დაცვის პრინციპებს და პირდაპირპროპორციულ კავშირშია დაცული ტერიტორიების და ბუნების დაცვის საკითხებთან.„ჩვენ უნდა შევქმნათ და გავაფართოვოთ ქვეყანაში დაცული ტერიტორიების ქსელი. ყველას გვესმის, რომ საქართველო არის გამორჩეული ქვეყანა თავისი ბუნებითა და ბიომრავალფეროვნებით. ამას, ერთი მხრივ, მოფრთხილება სჭირდება, მაგრამ, ასევე, მიზნობრივად გამოყენებაც, ეკოტურისტული პოტენციალის გაზრდა, რაც რეგიონულ განვითარებას უწყობს ხელს. ეს არის სწორედ ის ევროპული მიდგომა, რაც ძალიან ბევრ ევროპის ქვეყანაშია დანერგილი და აპრობირებული, რომ როდესაც დაცული ტერიტორიები იქმნება, ამას თან სდევს ეკოტურისტული ინფრასტრუქტურის განვითარება. ეს ქმნის რეგიონში მიზიდულობის ცენტრს, რეგიონში დასაქმების შესაძლებლობას და ახალ შესაძლებლობებს ადგილობრივი მოსახლეობისთვის - მცირე და საშუალო სასტუმროების მშენებლობას, კვების ობიექტების განვითარებას,“- განაცხადა ნინო თანდილაშვილმა.მისივე თქმით, საქართველოს მასშტაბით, 1 200 კმ-იანი ბილიკი ეწყობა დაცულ ტერიტორიებზე და არაერთი ეკოტურისტული პროექტი. მათ შორის: ბალდის კანიონზე იქმნება ახალი ინფრასტრუქტურა, რომელიც კერძო სექტორსაც აძლევს საშუალებას კონკრეტული ეკოტურისტული სერვისები შესთავაზოს მოქალაქეებს. მინისტრის პირველი მოადგილის განმარტებით, ეს ხსნის შესაძლებლობებს ადგილზე მცხოვრები მოსახლეობისთვისაც."ჩვენი მოსახლეობისთვის რომ გასაგები იყოს - აუცილებელია ბუნების დაცვასთან ერთად, კერძო სექტორსაც მივცეთ საშუალება განავითაროს კონკრეტული ეკოტურისტული სერვისები. ეს არ ნიშნავს იმას, რომ მოსახლეობას ადგილზე ტერიტორიების გამოყენების უფლება შეეზღუდება, პირიქით, ეს კიდევ დამატებითი სარგებლის მომტანი იქნება მათთვის,“- აღნიშნა ნინო თანდილაშვილმა

1703675108

"ბიზნესპარტნიორი" აგრძელებს ყოველკვირეულ რუბრიკას - "ციფრული პარტნიორი", სადაც ციფრული მარკეტინგის სწრაფად მზარდ ბაზართან დაკავშირებით არაერთი აქტუალური საკითხის განხილვა და ანალიზი ხდება.რა პარამეტრებს უნდა მივაქციოთ ყურადღება Video Advertising კამპანიების წარმოებისას და როგორი კონტენტია ტრენდული.  თემაზე "ბიზნესპარტნიორთან" რუბრიკის სტუმარმა, "ჰავას მედია საქართველოს" და სომხეთის ციფრული მარკეტინგის დირექტორმა ქეთი უბილავამ ისაუბრა: როგორ ვარკვევთ, ბიზნესს კონკრეტულად ვიდეო რეკლამა სჭირდება თუ არა? თუ, შეიძლება ითქვას, რომ ეს ინსტრუმენტი ამ საუკუნეში უკვე უკვე მოცემულობაა და ყველა ბიზნესისთვისაა საჭირო? ბოლო წლების მანძილზე, განსაკუთრებით მზარდია ბიზნესის მიერ ვიდეო რეკლამაში გაღებული ხარჯები, რადგან სოციალური მედია პლატფორმები და სხვადასხვა სარეკლამო ინსტრუმენტები  უფრო და უფრო მეტ ვიდეო კონტენტის განთავსების შესაძლებლობას გვთავაზობს. მაგალითად, გამოჩნდა Tik-Tok-ი, რომელიც სრულიად ვიდეოზეა ორიენტირებული. ასევე, Youtube-ზე დაემატა Shorts-ები. ამის შემდეგ, Instagram-მაც დაამატა Reels-ების სექცია. ეს ყოველივე გვაძლევს ახალ შესაძლებლობას, რომ უფრო და უფრო მეტ ადგილას განვათავსოთ ვიდეო რეკლამა. შესაბამისად, ვიდეო მიმართულებით გაიზარდა სარეკლამო ინვენტარი და ბიზნესსაც უწევს სწორ ადგილას განათავსოს მისი კონტენტი, როგორც ორგანულად, ასევე ედვერთაიზინგის მიმართულებითაც. Video Advertising კამპანიის წარმოებისას, რა პარამეტრებს უნდა მივაქციოთ ყურადღება? ზოგადად, პარამეტრები ბიზნესზეა დამოკიდებული. უნდა შევისწავლოთ, რა მოლოდინები და რა KPI-ები აქვს. თუმცა,  რამდენიმე ძირითად მეტრიკას გამოვყოფდი, რომლებიც  ვიდეო რეკლამირების ეფექტურობის განსასაზღვრად ძალიან მნიშვნელოვანია.  მაგალითად, VTR, რომელიც გულისხმობს ვიდეოს ყურებადობას - უყურეს თუ არა მომხმარებლებმა კონკრეტულ ვიდეოს ბოლომდე, იყო თუ არა ის საინტერესო - გარკვეულწილად, ამით კონტენტ ანალიზსაც ვაკეთებთ; SPM-ები - რა გვიჯდება რეკლამირება, როგორ უნდა განვსაზღვროთ მისი ფასი (იაფია, ძვირია თუ ა.შ.). ეს ორი პარამეტრი გვაქვს, რომლებიც მნიშვნელოვანია ეფექტურობის გასაზომად. ვიდეო კამპანიის კიდევ ერთი, მნიშვნელოვანი ნაწილი თარგეთირების მახასიათებლებია. როგორ ირჩევენ ედვერთაიზერები კონკრეტულ მოცემულობაში რომელ მახასიათებელზე გაამახვილონ ყურადღება? თარგეთიც არის ერთ-ერთი ყველაზე მნიშვნელოვანი, როცა ვუშვებთ რეკლამას. ის ძირითადად დამოკიდებულია იმაზე, თუ რას ვარეკლამებთ. ყველა პროდუქტს  თავისი აუდიტორია ჰყავს. შესაბამისად, ამას ვიკვლევთ, უნდა დავადგინოთ აუდიტორიის ზომა - სქესი, ასაკი, ლოკაცია და შემდეგ, ზუსტად, აი ამ ადამიანებზე ვუშვებთ რეკლამას, რომელიც ამ კონკრეტული პროდუქტის ან ბრენდის პოტენციური ან არსებული მომხმარებელია. რომელი ვიდეო ინვენტარია ყველაზე ეფექტური? მიმდინარე ეტაპზე, ძალიან ეფექტურია Youtube, რადგან ეს არის უშუალოდ ვიდეო კონტენტზე ორიენტირებული პროგრამა. შესაბამისად, Youtube-ზე გვაქვს შესაძლებლობა სხვადასხვა ტიპის რეკლამები ავაწყოთ - 15წმ-იანები, 6წმ-იანები. ძალიან ეფექტურია 6წმ-იანი რეკლამა, რადგან მომხმარებელს მისი გამოტოვება არ შეუძლია და გვაქვს შესაძლებლობა, რომ ეს  მათ ბოლომდე ვაჩვენოთ. Youtube-ს შემდეგ გამოვყოფდი გლობალურ და ლოკალურ საიტებზე Instreem რეკლამირებას, რაც გულისხმობს უშუალოდ ვიდეო კონტენტში ვიდეოს განთავსებას. როცა მომხმარებელი გარკვეულ ვიდეოს უყურებს, ზუსტად ამ ვიდეოშივე ვაინტეგრირებთ რეკლამებს. შემდეგ მოდის ლოკალურ საიტებზე ვიდეო კონტენტი, შეგვიძლია ფეიჯ რეკლამები გავაკეთოთ და ეს განვახორციელოთ ისე, როგორც  ვქმნით Google-ში - ვიდეო კონტენტში ჩასმულ რეკლამებს. როგორია სამომავლო პერსპექტივა, რას უნდა ველოდოთ 2024 წელს Video Advertising-ის მიმართულებით? 2024 წელსაც, ისევე, როგორც ბოლო წლების განმავლობაში, ვიდეოს მიმართულებით, სარეკლამო ბიუჯეტი იზრდება. ეს კი იქიდან გამომდინარე, რომ სულ უფრო ემატება ახალი სარეკლამო პლატფორმები და კონკრეტულად ვიდეო მიმართულება. შესაბამისად, ვფიქრობ, რომ 2024 წელს ისევ იქნება ბიუჯეტის ზრდა ამ მიმართულებით, უფრო მეტი ინვესტიცია განხორციელდება ვიდეო რეკლამაში და განსაკუთრებით, Youtube-ზე იმიტომ, რომ ის არის Google-ის ერთ-ერთი პლატფორმა და შესაბამისად, ყოველთვის გვთავაზობენ სხვადასხვა სიახლეებს. მიმდინარე ეტაპზე დაგვემატა ახალი ობჯექტივები, რომლებიც 2024 წელს გაიტესტება, შედარდება სხვა სარეკლამო ობჯექტივებს და ვნახავთ რამდენად წარმატებული იქნება ის სიახლეები, რაც Youtube-მ უკვე დანერგა და ეტაპობრივად ნერგავს.

1703146260

"ბიზნესპარტნიორი"  აგრძელებს ყოველკვირეულ რუბრიკას - "ციფრული პარტნიორი", სადაც ციფრული მარკეტინგის სწრაფად მზარდ ბაზართან დაკავშირებით არაერთი აქტუალური საკითხის განხილვა და ანალიზი ხდება.როგორ მუშაობს პროგრამატიკული რეკლამირება და რა განასხვავებს მას სხვა ტრადიციული სარეკლამო მიდგომებისგან. თემაზე "ბიზნესპარტნიორთან" რუბრიკის სტუმარმა, Admixer-ის ბიზნესის განვითარების მენეჯერმა ირაკლი კვეკვეციამ ისაუბრა: როგორ მუშაობს პროგრამატიკული რეკლამირება და რა განასხვავებს მას სხვა, ტრადიციული სარეკლამო მიდგომებისგან? პროგრამატიკული რეკლამირება რაღაც სისტემების ერთობლიობას გულისხმობს, რომელთა მეშვეობითაც ედვერთაიზერი სხვადასხვა საიტებსა და აპლიკაციებში რეკლამას ავტომატიზირებულად უშვებს. ანუ, ადრე თუ იყო გარკვეული ბიუროკრატიული პროცესი, პირობითად, უნდა დაგერეკა საიტისთვის, გამოგერთმია ზომები, მერე გაგეგზავნა მეილით და უკან რეპორტი მიგეღო, ეს ყველაფერი ჩაბარდა წარსულს და დღეს უკვე შესაძლებელია, რომ ერთი ფანჯრის პრინციპით გაუშვა რეკლამა ათასობით საიტზე, ნახო საკუთარი კამპანიის შედეგები Live რეჟიმში, მიიღო უკუკავშირი,Live რეჟიმში მიიღო გადაწყვეტილებები და ა.შ. გამომდინარე იქიდან, რომ საიტებს ლიმიტირებული ინვენტარი აქვთ, იქნება ეს საბანერე თუ ვიდეო რეკლამის ინვენტარი, ედვერთაიზერებს უწევთ კონკრეტული ბიდების (SPM) ჩამოსვლა. იგებს ის SPM-ი, რომელიც უფრო მეტს სთავაზობს ფაბლიშერს. პირობითად, თუ საიტს აქვს 1 მლნ Impression-ის გატარების შესაძლებლობა კონკრეტული თვის ჭრილში და თქვენ გსურთ, რომ 700 000 შეიძინოთ და მე მსურს 500 000-ის შეძენა, თქვენი ბიდია 1.5 ლარი და ჩემი 1 ლარი, პირველ რიგში დაკმაყოფილდება თქვენი და შემდგომ ჩემი. ანუ, თქვენ აიღებთ 700 000-ს და მე ავიღებ მხოლოდ 300 000-ს. როგორც ვიცით, ამ მიმართულებით, საქართველოს ბაზარზე მოწინავე პოზიციებს Admixer-ი იკავებს. რას სთავაზობს კომპანია, როგორც ადგილობრივ, ასევე საერთაშორისო ბაზარზე წარმოდგენილ ბიზნესებს? კი, Admixer-ი ლიდერია ბაზარზე. ასევე, ოპერირებს სხვადასხვა ქვეყნებში - მოლდოვა, უკრაინა, ყაზახეთი, ყირგიზეთი და ა.შ. ამასთან, ჩვენ დავნერგეთ ლოკალური საიტებისთვის პროგრამატიკული ტექნოლოგია, რომელიც ქართველ ედვერტაიზერებს ქართულ საიტებზე რეკლამის განთავსებაში ეხმარება. ასევე, ვართ Google-  ის გაყიდვების პარტნიორი, რაც გულისხმობს, რომ შეგვიძლია ედვერთაიზერებს Google-ის ისეთი პრემიუმ პროდუქტები შევთავაზოთ, როგორებიცაა DV 360, Search ads 360 და ა.შ. რა ტიპის სარეკლამო ფორმატების გამოყენების საშუალებას აძლევს DV 360 ბიზნესებს? DV 360 ედვერთაიზერებს საკმაოდ ფართო სპექტრს სთავაზობს. მათ შეუძლიათ ვიდეო, app install-ების, საბანერო, youtube კამპანიების, აუდიო კამპანიების რეკლამის ჩაშვება. ამასთანავე, კარგია ის, რომ არანაირი პრობლემა არ იქმნება ქართული ენის მხრივ, რაც Google Add-ის შემთხვევაში გვაქვს ხოლმე, რადგან Google ქართულ ენას, ამ ეტაპზე, არ ასაფორთებს,რადგან DV 360-ში ეს პრობლემა მოხსნილია, ედვერთაიზერებს ლავირების უფრო ფართო შესაძლებლობა აქვთ, აირჩიონ გაუშვებენ youtube კამპანიას, display video-ს, audio-ს, თუ ნებისმიერი სხვა ტიპისა და სახის კამპანიებს. სარეკლამო კამპანიების წარმართვა ქართულ ენაზე გამოწვევა, არც Google Add-სი უჭერს ამას მხარს. საინტერესოა, პროგრამატიკული რეკლამირება თუ იძლევა, ამ მიმართულებით, რაიმე გამოსავალს? DV 360-ში ეს პრობლემა გადავჭერით. ამასთანავე, ვეცადეთ, რომ მომხმარებლებისთვის შეგვეთავაზებინა მრავალფეროვანი პორტფელი. იქნებოდა ეს spotify add, viber add. Admixer 2016 წლიდან Viber-ის ოფიციალური გამყიდველია და შეგვიძლია ექსკლუზიური ფასების შეთავაზება. ასევე, ექსკლუზიური პარტნიორები ვართ Megogo-ს, რომელიც ონლაინ სტრიმინგ პლატფორმაა და  კომპანიებისთვის ამის ექსკლუზიურად შეთავაზებაც შეგვიძლია. რეკლამირების კუთხით, როგორი იქნება პროგრამატიკული რეკლამირების ბენეფიტები და პერსპექტივები? ამ ეტაპზე, აქტიურად ვმუშაობთ digital out of home ტიპის რეკლამებზე, რაც ციფრულ ბილბორდებს გულისხმობს. რამდენიმე ვენდორთან გვაქვს მოლაპარაკება და გვსურს, რომ აქტიურად დავნერგოთ ციფრული ბილბორდების პროგრამატიკული რეკლამირება. ანუ, ამასთანავე, ედვერთაიზერს შეეძლება ერთი ფანჯრის პრინციპით რეკლამა გაუშვას, როგორც საიტებზე, ასევე ციფრულ ბილბორდებზე. ვფიქრობთ, რომ უახლოეს მომავალში, ეს ქართულ ბაზარზე აქტიურად იქნება ხელმისაწვდომი.